අතුරු අයවැය යෝජනා කඩිනමින් ක්‍රියාත්මක කිරීම සඳහා කමිටුවක් පත් කර තිබෙනවා.
ජනාධිපති රනිල් වික්‍රමසිංහගේ උපදෙස් මත ජනාධිපති ලේකම්වරයා විසින් මෙම කමිටුව පත් කර ඇති බවයි ජනාධිපති මාධ්‍ය අංශය සඳහන් කරන්නේ.
කේ.ටී.කමල් පද්මසිරි එම කමිටුවේ සභාපති ලෙස පත් කර තිබෙනවා.
ඒ අනුව අමාත්‍යංශ, දෙපාර්තමේන්තු සහ රාජ්‍ය ආයතන විසින් ක්‍රියාත්මක කර ඇති ව්‍යාපෘති කාර්යාල සහ ව්‍යාපෘති කළමනාකරණ ඒකක මඟින් අපේක්ෂිත කාර්ය ඉටුකර ඇද් ද යන්න පිළිබඳ මෙහි දී සොයා බැලීමට නියමිතයි.
එමෙන්ම ඒ සඳහා අවශ්‍ය පහසුකම් සැපයීම පවතින රේඛීය අමාත්‍යංශවලට සිදු කළ හැකි ද ව්‍යාපෘති සඳහා අනුමත සේවක සංයුතියට පරිබාහිර ව සේවකයන් බදවා ගැනීම සිදු කර තිබේ ද යන්න පිළිබඳ ද මෙම කමිටුව හරහා සොයා බැලෙනු ඇති.
මෙම කමිටුවේ නිර්දේශ ඇතුළත් වාර්තාව නොවැම්බර් 15 වැනි දිනට පෙර ඉදිරිපත් කිරීමට ද නියමිත යි.
