රූපලාවන්ය ශිල්පී චන්දිමාල් ජයසිංහ සහ නිරූපන ශිල්පිනි පියුමි හංසමාලි ඇතුළු තවත් 21 දෙනෙකු බදුල්ල ප්රදේශයේ නිරෝධායන මධ්යස්ථානයකට රැගෙනයාමේ තීරණයට එරෙහිව මානව හිමිකම් කොමිසම හමුවේ පැමිණිලි කිරීමට සූදානම් වනවා.
නිරෝධායන නීති උල්ලංඝනය කරමින් කොළඹ ෂැංග්රිලා හෝටලයේ උපන්දින සාදයක් පැවැත්වීම හේතුවෙන් මොවුන් අත්අඩංගුවට පත් වූ අතර අධිකරණය විසින් ඇප මත මුදා හැරීමෙන් පසු බදුල්ල ප්රදේශයේ නිරෝධායන මධ්යස්ථානයක් වෙත යොමු කරන ලදී.
මේ සම්බන්ධයෙන් පියුමි හංසමාලි මාධ්ය වෙත ප්රකාශ කර ඇත්තේ මෙම සිදුවීමෙන් පසුවත් ෂැංග්රිලා හෝටලයේ සාදවලට සහභාගී වූ පිරිස් නිවෙස්හිම නිරෝධායනය කිරීමට කටයුතු කර ඇති බවයි.
පියුමි, චන්දිමාල් ඇතුළු කණ්ඩායම පසුව PCR පරීක්ෂණයකට භාජනය වූ අතර ඊයේ (15) ලැබුණු එම වාර්තා අනුව ඔවුන්ට වෛරසය ආසාධනය වී නොමැති බව තහවුරු විය.
ඒ අනුව අද (16) දිනයේ ඔවුන්ගේ දින 14 ක නිරෝධායන කාල සීමාව අවසන් වන බව ද වාර්තා වේ.
