25 C
Colombo
Friday, March 29, 2024

හිටපු නාවික හමුදාපති කරන්නාගොඩ ගැන අල්ලස් කොමිසමට පැමිණිල්ලක්

- Advertisement -

කොළඹ හා තදාසන්න ප්‍රදේශවල පදිංචිව සිටි තරුණයන් 11 දෙනෙකු පැහැරගෙන ගොස් අතුරුදහන් කිරීමේ නඩුවෙන් හිටපු නාවික හමුදාපති වසන්ත කරන්නාගොඩ නිදහස් කිරීමට නීතිපතිවරයා ගෙන ඇති තීරණය සම්බන්ධයෙන් අල්ලස් හෝ දූෂණ විමර්ශන කොමිෂන් සභාවට පැමිණිල්ලක් ඉදිරිපත් කර තිබේ.

අතුරුදන්වූවන්ගේ පවුල් එකතුවේ සභාපති බ්‍රිටෝ ප්‍රනාන්දු එම කොමිසමේ සභාපතිවරයා වෙත යොමු කර ඇති මේ පැමිණිල්ල මගින් සඳහන් කර ඇත්තේ නඩු විභාගයක් අවසන්වීමට පෙර හදිසියේ හිටපු නාවික හමුදාපති කරන්නාගොඩගේ අධිචෝදනා ඉවත් කිරීමට නීතිපති කටයුතු කිරීම කිසියම් වරප්‍රසාදයක් හෝ ලාභයක් අපේක්ෂාවෙන් කරන ලද්දක් බවට සැක මතුවන බවයි.

2008 – 2009 වකවානුවේ කොළඹ පදිංචි පුද්ගලයන් 11 දෙනෙක් පැහැර ගෙන ගොස් අතුරුදහන් කළ බවට හිටපු නාවික හමුදාපති වසන්ත කරන්නාගොඩ ඇතුළු චුදිතයන් 14 දෙනෙකුට එරෙහිව මහාධිකරණයේ නඩු විභාගයක් පැවැත්වේ.

ඉකුත් 4 වැනිදා මහාධිකරණ ත්‍රිපුද්ගල විනිසුරු මඩුල්ලක් ඉදිරියේ නඩුව කැඳවූ අවස්ථාවේදී නීතිපති දෙපාර්තමේන්තුව දන්වා සිටියේ විත්තිකාර හිටපු නාවික හමුදාපතිට එරෙහිව ගොනු කර ඇති අධි චෝදනා ඉවත් කර ගන්නා බවයි.

‘නීතිපති හා නඩුව මෙහෙයවූ රජයේ නීතිඥයා විසින් විත්තිකරුගේ, විත්තියේ නීතිඥයාගේ හෝ කිසියම් දේශපාලන බලාධිකාරියක අයුතු විෂමාචාරි බලපෑමකට හෝ වරප්‍රසාදයකට විත්තිකාර කරන්නාගොඩගේ චෝදනා ඉවත් කර ගැනීමේ නීති විරෝධී උත්සාහයක නිරත බව’ යනුවෙන් අතුරුදහන්වුවන්ගේ පවුල් එකතුව  අදාළ ලිපියේ ඒ බව සඳහන් කරයි.

මේ අතර අතුරුදහන් කරන ලද තරුණයන් 11 දෙනාගේ මව්පියන් හා ඥාතීන් විසින් ඉකුත් 5 වැනිදා නීතිපති සංජය රාජරත්නම් වෙත ලිපියක් යොමු කරමින් ඉල්ලා සිටියේ විත්තිකාර හිටපු නාවික හමුදාපතිට එරෙහි අධි චෝදනා ඉවත් කර නොගන්නා ලෙසයි.

RECENT ARTICLES - SINHALA

අද අපි සිංහල අවුරුද්ද සමරන්නේ ජනපති නිසා – වජිර

පසුගිය වසර තුනක කාලයක් අලුත් අවුරුද්ද සැමරීමට ජනතාවට අවස්ථාව හිමි නොවු බව පාර්ලිමේන්තු මන්ත්‍රී වජිර අබේවර්ධන මහතා පවසනවා. නමුත් රටේ සියලු ජනතාවට මෙවර අලුත් අවුරුද්ද...

මහරගම බෝ ගසේ අත්තක් කඩා වැටී දෙදෙනෙකුට තුවාල

මහරගම නගරයේ පිහිටි බෝ ගසක අත්තක් කඩා වැටී තිබෙනවා. මෙයින් පුද්ගලයින් දෙදෙනෙකු තුවාල ලබා තිබෙන බව පොලිසිය පවසනවා. මේ හේතුවෙන් හයිලෙවල් මාර්ගයේ දැඩි රථවාහන තදබදයක් පවතින...

බාෂික් ව අත්අඩංගුවට ගැනීමට එරෙහි අතුරු තහනම් නියෝගය දීර්ඝ කෙරේ

පොලිස් මත්ද්‍රව්‍යනාශක කාර්යාංශය විසින් නදිම් බාෂික් නමැත්තකු අත්අඩංගුවට ගැනීම වළක්වාලමින් නිකුත්කර තිබෙන අතුරු තහනම් නියෝගය අප්‍රේල් 29 වනදා දක්වා තවදුරටත් දීර්ඝ කරන ලෙස අභියාචනාධිකරණය...

POPULAR ARTICLES

කංචන පොහොට්ටු රැස්විමේ යකා නටලා

ශ්‍රී ලංකා පොදු ජන පෙරමුණේ විධායක සභා රැස්වීමේදී අමාත්‍ය කංචන විජේසේකර මහතා සහ හිටපු ජනාධිපති ගෝඨාභය රාජපක්ෂ මහතාගේ උපදේශකයෙකු වූ එරන්ද ගිනිගේ මහතා අතර...

අද ඩොලරය

ශ්‍රී ලංකා මහ බැංකුව විසින් අද (26) දින නිකුත් කරන ලද දෛනික විනිමය අනුපාතික සටහනට අනුව එක්සත් ජනපද ඩොලරයක ගැනුම් මිල රු. 297.63ක් ලෙස...

අරක්කු මිල පහළට?

එළඹෙන සිංහල හා හින්දු අලුත් අවුරුද්දට පෙර සුරා බද්ද අඩු කළහොත් ගල් අරක්කු බෝතලයක මිල අඩු කළ හැකි බව නිෂ්පාදන සමාගම් සුරාබදු දෙපාර්තමේන්තුවට දැනුම්...