ශ්රී ලංකාව පැවති T20 තරගාවලියේදී 3-0 ක් පූර්ණ තරගාවලි ජයක් ලබන්නට සත්කාරක එංගලන්ත කණ්ඩායම සමත් වුණා. ඒ තුන්වන තරගයේදී ලැබූ ලකුණු 89ක දැවන්ත ජයත් සමගින්.
කාසිය වාසිය දිනූ කුසල් ජනිත්ගේ ආරාධනයෙන් පළමුව පන්දුවට පහර දුන් එංගලන්ත කණ්ඩායම විශිෂ්ට ආරම්භයක් ලබා ගත්තා. වරෙක එංගලන්ත කණ්ඩායම ලකුණු 200 ඉක්මවනු ඇතැයි විශ්වාස කළ හැකි වුවද දුෂ්මන්ත චමීර සිය පන්දුවාර හතර තුල ලකුණු 16ක් පමණක් ලබා දෙමින් කඩුලු 4ක් දවාගනිමින් එංගලන්ත ඉනිම ලකුණු 180කට සීමා කළා.
පිළිතුරු ඉනිම ආරම්භ කළ ශ්රී ලංකා කණ්ඩායමේ කිසිදු පිතිකරුවෙක් ජාත්යන්තර තරගයක ක්රීඩා විලාශයක් පෙන්නුම් කළේ නැහැ. පළමු පන්දුවාර 10 තුල පන්දු 36ක්ම නිලකුණු ඒවා වීම කැපීපෙනන කරුණක්. ඒ අනුව ශ්රී ලංකා ඉනිම සියලු දෙනා දැවී ලකුණු 91කට සීමා වුණා.
එය T20 කරගයකදී ශ්රී ලංකාව වාර්තා කළ සිව්වන අඩුම ලකුණු සංඛ්යාවයි.