ලෝකයේ දරුණුතම සමරිසි විරෝධී නීති අනුමත කිරීමට උගන්ඩාව කටයුතු කර තිබෙනවා.
සමරිසි හැසිරීම් අපරාධීකරණය කර එම අපරාධවලට මරණීය දණ්ඩනය ලබා දිය හැකි ආකාරයට නීති සම්පාදනය කර ඇති අතර සමරිසි ලෙස හඳුනා ගන්නා පුද්ගලයින්ට වසර 20 ක් දක්වා සිර දඬුවම් නියම කිරීමට ද එම රට නීති අනුමත කර ඇති බවයි විදෙස් මාධ්ය වාර්තා කරන්නේ.
සමරිසි සබඳතා දැනටමත් නීතිවිරෝධීව පවතින රටක එම පුද්ගලයින් තවදුරටත් මර්දනය කිරීමට මෙම නව නීති සම්පාදනය කර තිබෙනවා.
මෙම නව නීතීන් ක්රියාකාරකම් රාශියක් ඉලක්ක කරන අතර සමලිංගිකත්වය ප්රවර්ධනය කිරීම සහ අනුබල දීම තහනම් කිරීම මෙන්ම සමලිංගිකත්වයේ යෙදීමට කුමන්ත්රණය කිරීම ද ඇතුළත් බවයි රොයිටර් පුවත් සේවය වාර්තා කරන්නේ.
පනතට එරෙහිව අදහස් දක්වමින්, එය සමරිසි පුද්ගලයින්ගේ මූලික අයිතිවාසිකම් අසාධාරණ ලෙස සීමා කරන බැවින් එය “ස්ථාපනය කිරීම ජාත්යන්තර සහ කලාපීය මානව හිමිකම් ප්රමිතීන්ට පටහැනි” බව නීති සම්පාදක Fox Odoi-Oywelowo පෙන්වා දෙනවා.
අයිතිවාසිකම් වෙනුවෙන් පෙනී සිටින ‘ හියුමන් රයිට්ස් වොච්’ (HRW) මෙම මස මුලදී අනතුරු ඇඟවූයේ මෙම නීතීන් උගන්ඩාවේ මානව අයිතීන් උල්ලංඝනය කරන බවයි.