හිටපු අමාත්‍ය නාමල් රාජපක්ෂ මහතාට එරෙහිව මුදල් විශුද්ධිකරණ පනත යටතේ පවරා ඇති නඩුව ආසන්න දිනයකදී කැඳවන ලෙස රාජපක්ෂ මහතාගේ නීතිඥයින් ඊයේ (05) දින මහාධිකරණයෙන් ඉල්ලා සිටියා.
ගවර්ස් කෝපරේට් සර්විසස් සමාගම වෙනත් සමාගමක් සමග සිදුකළ ගනුදෙනුවකදී අයතු ලෙස රුපියල් මිලියන 30ක මුදලක් උපයා ගැනීමෙන් මුදල් විශුද්ධිකරණය වැළැක්වීමේ පනත යටතේ වරදක් සිදු කර ඇති බවට චෝදනා නගමින් මෙම නඩුව ගොනු කළේ නීතිපතිවරයා විසිනි.
මේ හේතුවෙන් ඔහුට විදේශ ගතවීමට ඇති ඉඩ ඇහිරී ඇති බවයි වාර්තා වන්නේ.
නාමල් රාජපක්ෂ මහතා ඇතුළු විත්තිකරුවන් හය දෙනෙකුට මේ යටතේ චෝදනා එල්ල වී තිබේ.
ඒ අනුව නඩුව, මෙම මස 28 වැනිදා කැඳවීමට කොළඹ මහාධිකරණ විනිසුරු නවරත්න මාරසිංහ මහතා ඊයේ තීරණය කරන ලදි.
