කොට්ටාව අධිවේගී පිවිසුම අසළ මිහිඳු මාවත ප්‍රදේශයේ පාලු ඉඩමක අභිරහස් ලෙස මියගිය පුද්ගල මළ සිරුරක් තිබී අද (01) දා දහවල් සොයාගත් බව හෝමාගම මූලස්ථාන පොලිසිය පවසනවා.
පොලිසිය සඳහන් කළේ මියගිය පුද්ගලයාට වයස අවුරුදු 50 පමණ වන අතර ඔහුගේ අනන්‍යතාවය මෙතෙක් අනාවරණය වී නොමැති බවයි.
හෝමාගම මාලපල්ල මිහිඳු මාවත ප්‍රදේශයේ සතියක පමණ සිට පැවැති දුගඳක් පිළිබඳව සොයා බැලීමට අද දහවල් යාබද පාළු ඉඩමකට ගිය පුද්ගලයෙකුට වැටී මිය ගොස් සිටි පුද්ගල මළ සිරුරක් දැක තිබෙනවා.
ඒ පිළිබඳව 119 හදිසි ඇමතුම් අංකය ඔස්සේ පොලිසිය දැනුවත් කිරීමෙන් පසුව නිලධාරීන් පැමිණ පරීක්ෂා කිරීමේදී සති දෙකකට පමණ පෙර මියයන්නට ඇති බවට සැක කෙරෙන පුද්ගල මළ සිරුර සොයාගත් බව පොලිසිය පවසනවා.
