ජේෂ්ඨ පොලිස් අධිකාරිවරියන් තිදෙනකුට වැඩබලන නියෝජ්ය පොලිස්පතිවරියන් ලෙස එකවර උසස්වීම් ලබාදී තිබෙනවා.
ශ්රී ලංකා ඉතිහාසයේ මුල්වරට කාන්තා නියෝජ්ය පොලිස්පතිවරියන් තිදෙනෙකු පත් කළ පළමු අවස්ථාව මෙයයි.
එලෙස නියෝජ්ය පොලිස්පතිවරියන් ලෙස පත් කර ඇත්තේ මෙතෙක් ජ්යෙෂ්ඨ පොලිස් අධිකාරීවරියන් ලෙස සේවය කල රේණුකා ජයසුන්දර, නිශාන්ති සෙනවිරත්න සහ පද්මිණී වීරසූරියයි.
මීට පෙර බිම්ශානි ජාසිංහආරච්චි මහත්මිය නියෝජ්ය පොලිස්පතිනියක් ලෙස පත්කෙරුණු අතර ඒ සමඟ මේ වන විට ශ්රී ලංකා පොලිස් දෙපාර්තමේන්තුව සඳහා නියෝජ්ය පොලිස්පතිවරියන් හතර දෙනෙක් පත් වී ඇත.
එමෙන්ම, පොලිස් ළමා හා කාන්තා කාර්යංශය, නව නියෝජ්ය පොලිස්පතිනී රේණුකා ජයසුන්දර මහත්මිය යටතට පත් කර ඇති අතර එම කාර්යංශය කාන්තා නියෝජ්ය පොලිස්පතිනියක් යටතට පත් වූ ප්රථම අවස්ථාව මෙය වීමද විශේෂත්වයක්.
මීට පෙර අල්ලස් හා දූෂණ විමර්ශන කොමිෂන් සභාවේ අධ්යක්ෂවරිය ලෙස කටයුතු කළ පද්මිණී වීරසූරිය මහත්මිය පත් කර ඇත්තේ පොලිස් සුබසාධන දිසාව භාර නියෝජ්ය පොලිස්පතිවරිය ලෙසයි.
මීට පෙර රාජ්ය බුද්ධි සේවයට අනුයුක්තව කටයුතු කල නිශාන්ති සෙනවිරත්න මහත්මිය , පොලිස් පරීක්ෂණ හා සංවර්ධන දිසාව භාර නියෝජ්ය පොලිස්පතිවරිය ලෙස පත් කර තිබෙනවා.
නිශාන්ති සෙනවිරත්න මහත්මියගේ සැමියා වන්නේ නියෝජ්ය පොලිස්පති මහින්ද ගුණරත්න මහතායි.