ධාවනය වෙමින් තිබූ වෑන් රථයක පිටුපස දකුණු පැති රෝදය ගැලවී ගොස් සිදුවූ අනතුරකින් පුද්ගලයෙකු මියගොස් තිබෙනවා.
මෙම අනතුර සිදුවී තිබුණේ, ඊයේ (26) සවස් කාලයේ මාවතගම පොලිස් වසමේ මහනුවර කුරුණෑගල මාර්ගයේ උදාරගම ප්රදේශයේදී .
මහනුවර දෙස සිට කුරුණෑගල දෙසට ධාවනය වෙමින් තිබූ වෑන් රථයේ පිටුපස දකුණු පැති රෝදය ගැලවී ගොස් ප්රතිවිරුද්ධ දිශාවෙන් පැමිණි ත්රීරෝද රථයක වෑන් රථය ගැටී තිබුණා.
එහිදී ත්රීරෝද රථයේ ගමන් කළ රියදුරු සමග පසුපස අසුනේ සිටි තිදෙනෙකු හා වෑන් රථයේ රියදුරු බරපතළ තුවාල ලබා මාවතගම රෝහලට ඇතුළත් කළ බවයි පැවසෙන්නේ.
එම අනතුරෙන් මියගොස් තිබුණේ ත්රීරෝද රථයේ ගමන් කළ වයස අවුරුදු 60 ක් වූ දොඩවෙල, මහනුවර ප්රදේශයේ පදිංචිකරුවෙක්.
මෘතශරීරය කුරුණෑගල රෝහලේ මෘත ශරීරාගාරයේ තැන්පත් කර තිබෙන අතර මාවතගම පොලීසිය වැඩිදුර විමර්ශන සිදු කරනවා.
