මාර්ගයේ ගමන් කිරීමේදී ඇති වූ කතාබහක් දුරදිග යාමෙන් ඊයේ (15) රාත්රී තරුණ පිරිසක් හෙල්මට්වලින් පහරදීමෙන් එක්දරු පියෙකු ඝාතනයට ලක්ව තිබෙනවා.
වැලිපැන්න පොලීසිය සඳහන් කරන්නේ මෙසේ ඝාතනයට ලක්ව ඇත්තේ වැලිපැන්න ගල්මත්ත ප්රදේශයේ පදිංචිව සිටී රංග විරාජ් නැමැති 34 හැවිරිදි එක්දරු පියෙක් බවයි.
වැලිපැන්න ගල්මත්ත ප්රදේශයේ මාර්ගයක ගමන් කිරීමේදී අවුරුදු 16ක වයසේ පසුවන තරුණයින් කිහිප දෙනෙකු සමඟ ඇති වූ බහින්බස්වීමක් දුරදිග යාමෙන් හෙල්මට්වලින් පහර දී තිබෙනවා.
පහර කෑ පුද්ගලයා බරපතළ තුවාල ලබා සිටි පුද්ගලයා අලුත්ගම ප්රාදේශීය රෝහලට රැගෙන ගොස් ඇති අතර රෝහල ගත කිරීමේ දී මියගොස් ඇති බවයි වාර්තා වන්නේ.
ඝාතනය සම්බන්ධයෙන් තරුණයෙකු සැකපිට අත්අඩංගුවට ගෙන තිබෙනවා.
අනෙක් සැකකරුවන් ප්රදේශයෙන් පලාගොස් ඇති අතර ඔවුන් සොයා පරීක්ෂණ සිදු කරනු ලබනවා.
කෙසේ වෙතත් සැකකරුවන් ගමන් කළ යතුරු පැදි දෙකක් ද පොලිස් භාරයට ගෙන තිබෙනවා.
සිද්ධිය සම්බන්ධයෙන් වැලිපැන්න පොලීසිය වැඩිදුර පරීක්ෂණ සිදු කරනවා.