මාළුවකු සපාකෑමෙන් අසාධ්‍ය තත්ත්වයෙන් පසුවූ ධීවරයෙකු ප්‍රතිකාර සඳහා කොළඹ ජාතික රෝහලට ඇතුළත් කර තිබෙනවා.
ශ්‍රී ලංකාවට දකුණු දෙසින් වූ ගැඹුරු මුහුදේදී එම ධීවරයාව මෙලෙස මාළුවකු විසින් සපාකා ඇති බව සඳහන්.
ඒ හේතුවෙන් අසාධ්‍ය තත්ත්වයෙන් පසුවූ අදාළ ධීවරයා විදෙස් නෞකාවක් මගින් බේරාගැනීමෙන් අනතුරුව කොළඹ වරායට රැගෙනවිත් තිබෙනවා.
පසුව ප්‍රතිකාර සඳහා ඔහුව මෙලෙස කොළඹ ජාතික රෝහලට ඇතුළත් කර ඇති බවට වාර්තා වනවා.
එලෙස රෝහල් ගත කර ඇත්තේ වෙන්නප්පුව ප්‍රදේශයේ පදිංචි ධීවරයෙක්.
ධීවරයින් හත් දෙනෙකු රැගත් බහුදින ධීවර යාත්‍රාවක් ඊයේ (17) වෙනනප්පුව ධීවර වරායෙන් ධීවර කටයුතු සදහා ගැඹුරු මුහුදට යාත්‍රා කර තිබුණා.
එම ධීවරයින්ගෙන් එක් ධීවරයෙකු මෙලෙස මාළුවකු විසින් සපා කා තිබෙනවා.
