සන්දිවේලි සහ ගල්ගමුව ප්‍රදේශවලදී සිදුවූ රිය අනතුරු දෙකකින් වයස අවුරුදු 4ක කුඩා දැරියක් සහ තවත් පුද්ගලයින් දෙදෙනෙකු මියගොස් තිබෙනවා.
සන්දිවේලි පොලිස් වසමේ මඩකලපුව – වාලව්චේන ප්‍රධාන මාර්ගයේ වෙප්පඅඩි වංගුව ප්‍රදේශයේදී ඊයේ (18) සිදුවූ රිය අනතුරකින් එකම පවුලේ පියා සහ කුඩා දියණිය ජීවිතක්ෂයට පත්ව තිබුණා.
මඩකලපුව දෙස සිට වාලව්චේන දෙසට ධාවනය වූ වෑන් රථයක් රියදුරුට පාලනය කරගත නොහැකිව මාර්ගයේ වම්පස තිබූ කොහොඹ ගසක ගැටීමෙන් මෙම අනතුර සිදුව තිබෙනවා.
අනතුරින් බරපතළ තුවාල ලැබූ වෑන් රථයේ රියදුරු, ඔහුගේ දියණිය සහ බිරිඳ සන්දිවේලි රෝහලට ඇතුළත් කිරීමෙන් පසුව වෑන් රථයේ රියදුරු හා ඔහුගේ දියණිය මියගොස් තිබෙන බව පොලිසිය පවසනවා.
බරපතළ තුවාල ලැබූ බිරිඳ වැඩිදුර ප්‍රතිකාර සඳහා මඩකලපුව රෝහල ඇතුළත් කර තිබෙනවා.
මරණකරු වයස අවුරුදු 54ක් හා මියගිය දැරිය වයස අවුරුදු 04ක් වූ කාත්තන්කුඩි ප්‍රදේශයේ පදිංචිකරුවන් බව පොලීසිය පවසනවා.
