සියලු වෛද්යවරුන්ගේ අනිවාර්යය විශ්රාම ගැන්වීමේ වයස් සීමාව අවුරුදු 63ක් විය යුතු බව සඳහන් කරමින් අතිවිශේෂ ගැසට් නිවේදනයක් නිකුත් කර තිබෙනවා.
ඒ, විශ්රාම වැටුප් ව්යවස්ථා සංශෝධන පනත ප්රකාරව 2022 දෙසැම්බර් මස 12 වන දින පළ කර තිබූ ගැසට් නිවේදනය සංශෝධනය කරමින්.
ඒ අනුව විශේෂඥ වෛද්යවරුන්ගේ, ශ්රේණිගත වෛද්ය හා දන්ත වෛද්ය නිලධාරීන්ගේ, වෛද්ය පරිපාලන ශ්රේණිවල සියලුම නිලධාරීන්ගේ, විශේෂඥ දන්ත වෛද්යවරුන්ගේ සහ ලියාපදිංචි වෛද්ය වෘත්තිකයන්ගේ අනිවාර්ය විශ්රාම ගැන්වීමේ වයස අවුරුදු 63 විය යුතු බව අදාළ ගැසට් නිවේදනයේ දැක්වෙනවා.
රාජ්ය පරිපාලන, පළාත් සභා හා පළාත් පාලන අමාත්යවරයා නිකුත් කර ඇති මෙම ගැසට් නිවේදනයේ විධිවිධාන 2023 වසරේ ජනවාරි මස 01 වන දින සිට බලාත්මක විය යුතු බව ද එහි සඳහන්.
සියලු ම රජයේ වෛද්ය නිලධාරීන්ගේ විශ්රාම ගැන්වීමේ වයස අවුරුදු 63 දක්වා දීර්ඝ කිරීමට පසුගියදා (19) කැබිනට් අනුමැතිය හිමි වුණා.
මීට පෙර තිබූ අවුරුදු 65 දී අනිවාර්ය විශ්රාම ගැන්වීමේ වයස 2022 වසරේ දී එවකට ආණ්ඩුව විසින් අවුරුදු 60 දක්වා පහත දැමීමට තීරණය කර තිබුණා .
