පාර්ලිමේන්තු සභාව ආමන්ත්රණය කිරීමේදී මන්ත්රීවරුන්ගේ නම් ඉදිරියෙන් ආචාර්ය, මහාචාර්ය, වෛද්ය ආදී වශයෙන් විශේෂණ යොදා ගැනීමෙන් ඉවත් වීම සඳහා යෝජනාවක් කරන බව සර්වජන බලය පක්ෂයේ පාර්ලිමේන්තු මන්ත්රී දිලිත් ජයවීර මහතා පවසනවා.
අද (17) පාර්ලිමේන්තුවේදී නව කතානායකවරයාට සුභාශිංසන එක් කරමින් දිලිත් ජයවීර මහතා මේ බව ප්රකාශ කළා.
එක් එක් වෘත්තීන් සම්බන්ධයෙන් පවතින හැඳින්වීම් මෙලෙස පාර්ලිමේන්තුව තුළ ආමන්ත්රණයේදී බැහැර කිරීම නිර්ධන පාන්තික දේශපාලනයට වඩා යහපත් වනු ඇති බවත් එමඟින් සමාජය වෙන් කිරීමේ අර්ථයක් මතු නොවනු ඇති බවත් දිලිත් ජයවීර මහතා මෙහිදී පෙන්වා දුන්නා.
