ජාතික පාරිභෝගික මිල දර්ශකයේ අගය ජනවාරි මාසයේදී 16.8%ක් ලෙස සටහන් වූ බව ජනලේඛන හා සංඛ්යාලේඛන දෙපාර්තමේන්තුව නිවේදනය කර සිටිනවා.
එය මෑත කාලයේ වාර්තාකළ වැඩිම අගය බවයි එම නිවේදනයේ දැක්වෙන්නේ. 2021 දෙසැම්බර් මාසයේ එම අගය සටහන් වූයේ 14%ක් ලෙසයි.
මේ අතර ආහාර උද්ධමනය සියයට 24.4කින් ඉහළ ගොස් ඇති බවද ජනලේඛන හා සංඛ්යාලේඛන දෙපාර්තමේන්තුව පවසනවා.
ආහාර ද්රව්ය වල සහ එම ගණනය සඳහා භාවිත කෙරෙන ආහාර නොවන කාණ්ඩයේ මිල වැඩිවීම උද්දමනය මෙලෙස වර්ධනය වීමට හේතුව බව ජනලේඛන හා සංඛ්යාලේඛන දෙපාර්තමේන්තුව පවසන අතර සහල්, කිරිපිටි, නැවුම් පලතුරු, නැවුම් මාළු, තිරිඟු පිටි, පාන්, එළවළු, පොල්තෙල්, කුකුල් මස්, මිරිස් කුඩු, වියළි මිරිස්, අමු මිරිස්, මයිසූර් පරිප්පු, ළදරු කිරිපිටි, පොල්, වියළි ආහාර ද්රව්යවල මිල ඉහළ ගොස් ඇති නමුත්, දෙහි සහ බිත්තර සඳහා දර්ශක අගයන්හි අඩුවීමක් වාර්තා විය.