ඉතා දුර්ලභ ගණයේ Natural Phenakite වර්ගයේ මැණික් ගලක් මෙරටින් හමුව ඇති බව වාර්තා වනවා.
ශ්රී ලංකාවෙන් මෙතෙක් හමුවූ විශාලතම Phenakite මැණික මෙය බවයි ජාතික මැණික් හා ස්වර්ණාභරණ අධිකාරිය පවසන්නේ.
එම මැණික් ගල මේ වනවිට බේරුවල ප්රදේශයේ මැණික් ව්යාපාරිකයෙකු සතුව ඇති අතර බලංගොඩ ප්රදේශයෙන් එම මැණික ඔහු මිලදී ගෙන ඇත.
එහි බර කැරට් 616.90ක් වන අතර එහි මිල රුපියල් කෝටි 100ක් පමණ වන බවයි පැවසෙන්නේ.
අදාළ ව්යාපාරිකයා මේ සම්බන්ධයෙන් ජාතික මැණික් හා ස්වර්ණාභරණ අධිකාරිය දැනුවත් කිරීමෙන් අනතුරුව ඒ සඳහා ඔහුට සහතිකයක් ද නිකුත් කර තිබෙනවා.
මෙම මැණික් වර්ගය ඉතා දුර්ලභ බැවින් එය අධික මිලකින් යුක්ත බවත් කෞතුක වශයෙන් මැණික් එකතු කරන්නන් විසින් මෙවැනි මැණික් ගල් වැඩි මිලකට මිලදී ගනු ලබන බවත් ජාතික මැණික් හා ස්වර්ණාභරණ අධිකාරියේ සභාපති තිලක් වීරසිංහ මහතා පවසනවා.