වසර 3 ක් තම ජීවිකාව අහිමි ප්රසංග වේදිකා කලාකරුවන්ගේ හෙට දවස වෙනුවෙන් යැයි සදහන් කරමින් මහජන ආරක්ෂක අමාත්ය සරත් වීරසේකර මහතාගේ සංකල්පයකට අනුව ‘රූ නද මේලා 2021’ නමින් දැවැන්ත අධ්යාපන වෙළෙඳ ප්රදර්ශනයක් හා සැණකෙලියක් සංවිධානය කර තිබෙනවා.
සරත් වීරසේකර මහතාගේ පුත් වෛද්ය සචිත්ර අධීෂ වීරසේකර මහතා විසින් මෙහි සියලු අධීක්ෂණ කටයුතු සිදුකරන අතර සරත් වීරසේකර මහතාගේ සම්බන්ධීකරණ ලේකම් ලක්ෂ්මන් කුමාර මහතා මෙහි සංවිධාන කටයුතු සිදුකරනු ලබනවා.
අති නවීන විචිත්රාංග සමගින් දින 10 ක් පුරා පැවැත්වෙන මෙම සැණකෙලිය ශ්රී ජයවර්ධනපුර කමත පරිශ්රයේ පැවැත්වීමට සියලු කටයුතු මේ වන විට සූදානම් වෙමින් පවතිනවා.
ඒ අනුව එළඹෙන දෙසැම්බර් 24 වනදා සහරා ෆ්ලෑෂ් සංගීත කණ්ඩායම වාදනය කිරීමෙන් ආරම්භ වන රූ නද මේලා සැණකෙලිය 25 සීදූව බ්රේව්, 26 බැක්ටු බැක්, 27 හොරයිසන්, 28 ලීරා, 29 සන්ෆ්ලවර්, 30 කුරුණෑගල ආශා, 31 ඔක්සිජන්, 01 පර්පල් රේන්ජ්, 02 සිග්සැග් යන සංගීත කණ්ඩායම් වාදනය කිරීමට නියමිතයි.
මෙහිදී රාජ්ය හා පුද්ගලික අංශයේ වෙළෙඳකුටි, අත්කම් නිර්මාණ, විනෝද ක්රීඩා, දෙස් විදෙස් ආහාර පාන, ප්රජා සත්කාර, ජාත්යාන්තර මට්ටමේ විනෝද ක්රීඩා, පොත් ප්රදර්ශන, ඇස් කණ්ණාඩි බෙදාදීම්, මැරගෝ රවුන්ඩ්, රෝලර් කෝස්ටර්, මැජික් ප්රදර්ශන ඇතුළු විවිධ අංග රාශ්රියක් අත්විදීමට එහි පැමිණෙන ජනතාවට හැකියාව ලැබෙන බවට සංවිධායකයින් නිවේදනය කරනවා.
කෙසේ වෙතත් රජය මේ වන විටත් නිවේදනය කරන්නේ එළඹෙන උත්සව සමයේ යළිත් කොවිඩ් වෛරසය පැතිරීමේ විශාල අවධානමක් පවතින බවයි.
මෙරටින් ඔමික්රෝන් ආසාදිතයන්ද මේවන විට වාර්තා වෙමින් පවතින අතර දෛනික ආසාදිතයින් වාර්තාවීම යළිත් වරක් හිස ඔසවා තිබෙනවා.