එක්සත් අරාබියේ එමීර් රාජ්‍යයේ පැවැති 2025 ලෝක රාජ්‍ය සමුඵවට සහභාගී වූ ජනාධිපති අනුර කුමාර දිසානායක මහතා අද (13) පෙරවරුවේ දිවයිනට පැමිණියා.
කටුනායක බණ්ඩාරනායක ගුවන්තොටුපලට පැමිණි ජනාධිපතිවරයා හට එහිදී දිවයිනේ ජනප්‍රියම සංගීත කණ්ඩායමක් වන ෆ්ලෑෂ්බෑක් සංගීත කණ්ඩායම සහ ජය ශ්‍රී මුණ ගැසී තිබෙනවා.
ෆ්ලෑෂ්බෑක් කණ්ඩායමේ නායක රොෂාන් ප්‍රනාන්දු හා සුහද කතාබහක නිරත ජනාධිපතිවරයා හට සංගීත කණ්ඩායමේ අනෙකුත් සාමාජිකයන්ද සුබ පතා තිබෙනවා.
විදෙස් ප්‍රසංගයක් සඳහා ෆ්ලෑෂ්බෑක් කණ්ඩායම අද පෙරවරුවේ එංගලන්තය බලා පිටත්ව යෑමේදී මෙම හමුව සිදුව ඇති බවයි වාර්තා වන්නේ.
කෙසේවෙතත් 2020 ජනාධිපතිවරණයට පෙර ෆ්ලෑෂ්බෑක් කණ්ඩායමේ නායක රොෂාන් ප්‍රනාන්දු මහතා ගෝඨාභය රාජපක්ෂ මහතාට සහය පලකරමින් සිය ෆේස්බුක් ගිණුමේ සදහන් කළේ “රට ගැන හිතන අයට රට යයි, බඩ ගැන හිතන අයට බඩ යයි” ලෙසයි.
පසුව එම ප්‍රකාශයට සමාජ මාධ්‍ය තුළ දැඩිව විවේචන එල්ල වුණා.
