ජාතික ආණ්ඩුවක් පිහිටුවීම පිළිබඳව සාකච්ඡා කිරීමට ජනාධිපති රනිල් වික්රමසිංහ හමුවීමට සුදානම් බව හිටපු ජනාධිපති, ශ්රී ලංකා නිදහස් පක්ෂයේ සභාපති මෛත්රීපාල සිරිසේන පවසනවා.
අද (28) උදෑසන එම පක්ෂ මුලස්ථානයේ පැවති මාධ්ය හමුවකට එක්වෙමින් මෛත්රීපාල සිරිසේන පවසා සිටියේ අද දිනයේ එම සාකච්ඡාව පැවැත්වීමට නියමිත බවයි.
එහිදී වැඩි විදුරටත් අදහස් දැක්වු මෛත්රීපාල සිරිසේන,
“ශ්රී ලංකා නිදහස් පක්ෂයේ මන්ත්රී කණ්ඩායම විදහට අපි ඊයේ හදිසි නීතියට ඡන්දය දුන්නේ නැහැ. ඡන්දය දුන්නේ නැත්තේ අපි ආණ්ඩුවට, එහෙම නැත්නම් ජනාධිපති අපේක්ෂකවරුන්ට යෝජනාකරලා අපි සමග එකඟතාවයකට පැමිණි ආකාරයට ආණ්ඩුව ගමන්කරන ආකාරයක් අපිට පෙනෙන්නේ නැහැ. තෙල් පොලීම් එන්න එන්න දිගුවෙලා තිබෙනවා මිසක් ඒවා කොට වෙලා නැහැ. ආහාර අර්බුදය, ඖෂධ අර්බුදය ජනතාවට තියෙන ආර්ථික පීඩනය මේ සියල්ල එකක් අපිට තවම පෙන්නට නැහැ වර්තමාන ආණ්ඩුව මොන පැත්තට යන්නේ කියන කාරණාව.
අපි බලාපොරොත්තු වුණ සාර්ව පාක්ෂික ආණ්ඩුවක සැලැස්ම හෝ එහි ඡායාවක්වත් අපිට පේනෙන්නේ නැහැ. වර්තමාන ජනාධිපතිවරයා පත්වීමෙන් පසුව අපිට පෙනී ගියා මීට කලින් තිබුණ කැබිනට් මණ්ඩලයම නැවත සක්රීය කරලා, ඒ අමාත්ය මණ්ඩලයම ඉන්නවා. මේ තත්ත්වයන් එක්ක අපි සකස් කරගත්ත කරුණු අපි බලාපොරොත්තු වෙනවා වර්තමාන ජනාධිපති රනිල් වික්රමසිංහ මහතා සමග සර්ව පාක්ෂික ආණ්ඩුවක යෝජනා සම්බන්ධයෙන් අද නැවත කතා කරන්න. එතුමා අද හමුවීමට වේලාවක් දීලා තියෙනවා දවල් 12ට මුදල් අමාත්යාංශයේ.”