සියලු පාසල් ඩිජිටල්කරණය කර එකම ජාලයකට ගතහොත් සමස්ත විෂය පාඩම් එක තැනක සිට දරුවන්ට ඉගැන්විය හැකි වනු ඇති බව අධ්යාපන අමාත්ය ආචාර්ය සුසිල් ප්රේමජයන්ත මහතා පවසනවා.
එහිදී අමාත්යවරයා සඳහන් කළේ, දැනුම සොයා ගොස් යාවත්කාලීන කරගනිමින් සිසුන්ට අවශ්ය නව දැනුම ලබා දීමේ නිපුණතා ළඟා කරගැනීමට ගුරුවරුන් දක්ෂ ලෙස ක්රියාකාරී විය යුතු බවයි.
එම තත්වය මනාව වටහා ගෙන දරුවන් වෙනුවෙන් වෙනස් වීමට සූදානම් විය යුතු බව සියලු ගුරුවරුන් වෙත පණිවිඩයක් ලබාදෙමින් අධ්යාපන අමාත්ය සුසිල් ප්රේමජයන්ත මහතා සඳහන් කළා.
අමාත්යවරයා එහිදී අවධාරණය කළේ, වෙනස් වන ලෝකය හා අධ්යාපන ක්රමවලට අනුව තමන් වෙනස් නොවී පරිසරය හෝ ලෝකය වෙනස් කරන්නට යෑම ඵලරහිත ක්රියාවක් බවත් මෙවැනි අවබෝධයකින් තොර අයෝග්ය ක්රියාමාර්ග ගනිමින් තව වසර කිහිපයකට වඩා ඉදිරියට යා නොහැකි බවයි.
