මධ්‍යම පලාත් සෞඛ්‍ය අමාත්‍යාංශයට අයත් තෙල්දෙණිය මුලික රෝහලේ ගැබිණි වාට්ටුවට ඉහලින් පිහිටි පස් කන්දක කොටසක් වාට්ටු ගොඩනැගිල්ලට කඩා වැටී තිබෙනවා.
මේ හේතුවෙන් රෝහල් වාට්ටුවේ නේවාසිකව ප්‍රතිකාර ලබමින් සිටි ගැබිණි මව්වරුන් 20දෙනෙකු පමණ ඔවුන්ගේ ආරක්ෂාව පතා මහනුවර ජාතික රෝහල වෙත මාරුකර යැවීමට රෝහල් පාලනාධිකාරිය පියවර ගෙන තිබුණා.
පවතින අනතුරුදායක තත්ත්වය යටතේ රාත්‍රී කාලයට අධික වර්ෂාව ඇතිවුවහොත් රෝහල් භුමියේ ඉහළ කොටසේ පස් කන්ද කඩා වැටීමේ අනතුරුදායක තත්ත්වයක් පවතින බවට රෝහල් කාර්ය මණ්ඩල ප්‍රකාශකයෙක් පැවසූ බවයි වාර්තා වන්නේ.
පවතින තත්ත්වය යටතේ ඉදිරියටද අධික වැසි සහිත තත්ත්වයක් ඇතිවී පස් කන්ද තවදුරටත් කඩා වැටීමට පෙර කඩිනමින් පිළිසකර කිරීමට පියවර ගත යුතු බව රෝහල් කමිටුවේ නිලධාරියෙකු සඳහන් කළා.
