ගලහ පොලිස් වසමේ බෙල්වුඩ් ජනපදය ප්රදේශයේ නිවසක් තුළ සිටි පුද්ගලයෙකු ඊයේ (24) තියුණු ආයුධයකින් ගෙල කපා ඝාතනය කර ඇති බව පොලිසිය සඳහන් කරනවා.
මියගිය මෙම පුද්ගලයා තනිව නිවසේ සිට ඇති බවත් මත්පැන් සාදයකදී ඇතිවූ ආරවුලක් මත මෙම ඝාතනය සිදු කර ඇති බවත් පොලිස් විමර්ශනවලදී හෙළිව තිබෙනවා.
මියගිය පුද්ගලයා බෙල්වුඩ් ජනපදයේ ගලහ ප්රදේශයේ පදිංචි වයස අවුරුදු 45ක පමණ පුද්ගලයෙක්.
මෙම ඝාතනය සම්බන්ධයෙන් එම ප්රදේශයේ පදිංචි අවුරුදු 40 සහ 52 වයස්වල පසුවන සැකකරුවන් දෙදෙනෙක් අත්අඩංගුවට ගෙන ඇති අතර තවත් අයෙක් ප්රදේශයෙන් පලා ගොස් ඇති බවද පොලිසිය පවසනවා.