අල්ලස් හෝ දූෂණ චෝදනා විමර්ශන කොමිෂන් සභාවේ නව අධ්යක්ෂ ජනරාල්වරයා ලෙස මහාධිකරණ විනිසුරු රංග ශ්රීනාත් අබේවික්රම මහතා පත්කර තිබෙනවා.
අද (10) දින සිට ක්රියාත්මක වෙන පරිදි ජනාධිපති අනුර කුමාර දිසානායක මහතා විසින් අදාළ පත්කිරීම සිදුකර කරනු ලැබුවා.
මීට පෙර කොමිෂන් සභාවේ අධ්යක්ෂ ජනරාල් වශයෙන් සේවය කරන ලද මහාධිකරණ විනිසුරු ඩබ්. කේ. ඩී. විජේරත්න මහතා 2024.10.07 වන දින අධ්යක්ෂ ජනරාල් ධුරයෙන් ඉල්ලා අස්වීමෙන් පසු පනතේ 25 (2) වගන්තිය ප්රකාරව අධ්යක්ෂ ජනරාල් ධුරයේ බලතල, කර්තව්යය ඉටු කිරීම සඳහා කොමිෂන් සභාවේ අතිරේක අධ්යක්ෂ ජනරාල් එම්.ආර්.වයි.කේ.උඩවෙල මහත්මිය පත් කර තිබුණා.
අල්ලස් හෝ දූෂණ චෝදනා විමර්ශන කොමිෂන් සභාව සඳහන් කළේ එදින සිට මේ දක්වා කොමිෂන් සභාවේ සාමාජිකයින්ගේ උපදෙස් පරිදි එතුමිය විසින් නඩු ගොනු 62 කට අදාළ අධි චෝදනා පත්ර සකස් කර අධිකරණයට ඉදිරිපත් කිරීමට පියවර ගත් බවයි.
