මට්ටක්කුලිය සමිත්පුර නිවසකට ඊයේ (29) දහවල් කඩා වැදුණු පිරිසක් එහි සිටි පුද්ගලයකු පැහැරගෙන ගොස් පහරදී තියුණු ආයුධවලින් කපා බරපතල තුවාල සිදුකර කෙසෙල් වත්ත ප්‍රදේශයේ දමා ගොස් ඇති බව මට්ටක්කුලිය පොලිසිය පවසනවා.
උසස් පොලිස් නිලධාරියෙක් සඳහන් කළේ, එම පැහැරගැනීම සඳහා පුද්ගලයින් හය දෙනෙකු ත්‍රිරෝද රථයකින් පැමිණි බවට පැවසුවත් ඊට වඩා පිරිසක් තවත් ත්‍රීරෝද රථ සහ යතුරු පැදියකින් පැමිණ ඇති බවට තොරතුරු ලැබී ඇති බවයි.
තුවාල ලද පුද්ගලයා කොළඹ ජාතික රෝහල වෙත ප්‍රතිකාර සඳහා ඇතුළත් කර තිබෙනවා.
මත්ද්‍රව්‍ය සම්බන්ධයෙන් ඇති වූ ආරවුලක් මෙම පැහැර ගැනීමට ආසන්නම හේතුව බවට මේ වන විට අනාවරණය වී ඇති බව පොලීසිය වැඩිදුරටත් පැවසුවා.
