එක්සත් අරාබි එමීර් රාජ්යයේ දී කුඩා ගුවන්යානයක් මුහුදට කඩා වැටීමෙන් සිදුවූ අනතුරකින් පුද්ගලයින් දෙදෙනෙකු මියගොස් තිබෙනවා.
මෙලෙස මියගොස් ඇත්තේ එහි ගුවන් නියමුවා ලෙස කටයුතු කළ ඉන්දීය සම්භවයක් සහිත වෛද්යවරයෙක් සහ සහාය නියමුවා ලෙස කටයුතු කළ 26 හැවිරිදි පාකිස්තාන ජාතික කාන්තාවක්.
මිය ගිය වෛද්යවරයා ගුවන් යානය කුළියට ගෙන තිබුණේ සිය පවුලේ සමාජිකයින් සමග ගුවනේ සිට නැරඹුම් අත්දැකීමක් ලබා ගැනීමේ අරමුණින්.
කෙසේ වුවද යානය ගුවන්ගත කර සුළු මොහොතකින් එය කඩා වැටී තිබුණා.
