විශාල දේශපාලන පිපිරීමක් සිදුවිය හැකි බවට එක්සත් ජාතික පක්ෂ නායක රනිල් වික්‍රමසිංහ මහතා පවසනවා.
ඒ ඊයේ (23) දින පාර්ලිමේන්තුව අමතමින්.
ආණ්ඩුව පිළිබඳව මෙන්ම විපක්ෂය පිළිබඳවද ජනතා විස්වාසය බිඳවැටී ඇති බවයි වික්‍රමසිංහ මහතා පවසන්නේ
රට දැවැන්ත ආර්ථික අර්බුදයකට මුහුණ දී සිටින බවත්, අර්බුදයට කිසිදු විසඳුමක් ආණ්ඩුව සතුව නොමැති බවත්ඔහු පෙන්වා දෙනවා.
විසඳුම් සෙවීම තවදුරටත් ප්‍රමාද වුවහොත් විශාල දේශපාලන පිපිරීමක් දක්වා අර්බුදය උත්සන්න වියහැකි බව පෙන්වා දෙන රනිල් වික්‍රමසිංහ මහතා වැඩිදුරටත් පවසන්නේ එවැනි පිපිරීමක් ඇති වුවහොත් එය ආණ්ඩුවට පමණක් නොව විපක්ෂ දේශපාලන කණ්ඩායම්වලටද අහිතකර ලෙස බලපෑ හැකි බවයි.
එබැවින් ආර්ථික අර්බුදය විසඳා ගැනීම සියලු දේශපාලනඥයන්ගේ වගකීමක් බවත් වික්‍රමසිංහ මහතා පෙන්වා දෙනවා.
