ජාතික ළමා ආරක්ෂක අධිකාරිය වෙත වාර්තා වන ළමා අපයෝජන වින්දිත ළමයින්ගේ අයිතිවාසිකම් වෙනුවෙන් ගරු සේවකයන් ලෙස ස්වේච්ඡාවෙන් නීතිඥ සේවා ලබා ගැනීම සදහාවූ නීතිඥ සංචිතයක් පිහිටුවීමට කටයුතු කරන බව ජාතික ළමා ආරක්ෂක අධිකාරිය පවසනවා.
එම අධිකාරිය පවසන්නේ, ළමා අපයෝජන වින්දිතයන් වෙනුවෙන් වූ නඩු සඳහා අධිකරණයේ පෙනී සිට කරුණු දැක්වීම සහ බැඳියාවන් අතර ගැටුම් ඇතිවීම වලක්වා ගැනීම මෙමඟින් අපේක්ෂාව බවයි.
එමෙන්ම සියලු වෘත්තිය වියදම් හා ප්රවාහන වියදම් එම නීතිඥවරුන් විසින් දැරිය යුතු බව එම අධිකාරිය සඳහන් කළා.
නීතිඥවරයෙකු ලෙස අවු 10 කට වඩා වැඩි වෘත්තීය අත්දැකීම් සහිත මහේස්ත්රාත් අධිකරණ හෝ මහාධිකරණ නඩු සදහා පෙනී සිටීම පිළිබද පළපුරුද්දක් ඇති සුදුසුකම් සහිත නීතිඥවරුන්ගෙන් මේ සඳහා අයදුම්පත් කැඳවා ඇති බවද එම අධිකාරිය වැඩිදුරටත් පැවසුවා.