සිංගප්පූරුවේ ජනගහනය 2023 වසරේ මැද භාගය වනවිට වාර්තාගත මිලියන 5.92 දක්වා 5% කින් වර්ධනය වී තිබෙනවා.
එරට රජයේ වාර්තාවකට අනුව, 2008 වසරේ සිට එහි වේගවත්ම වැඩිවීම මෙය බවත්, වැඩි විදේශීය ශ්‍රමිකයින් ආකර්ෂණය වීම මෙයට හේතුව බවත් සඳහන්.
ඒ අනුව, එරට තුළ සිටින නේවාසික නොවන සංඛ්‍යාව වසරකට පෙර 13.1% කින් මිලියන 1.768 ක් දක්වා ඉහළ ගොස් තිබුණා.
එමෙන්ම සිංගප්පූරුවේ නේවාසික ජනගහනය 1.9% කින් වර්ධනය වී ඇති බවයි වාර්තා වන්නේ.
මෙම දත්ත වලට අනුව 2008 වසරේ මැද භාගයට වඩා ජනගහනය 5.5% කින් ඉහළ ගොස් ඇති බව විදෙස් මාධ්‍ය වාර්තා කළා.
