මෙරට ප්රමුඛතම සමාගම් සමුහයක් වන හේලීස් සමුහ ව්යාපාරය 2022/23 වර්ෂය සඳහා වන පළමු අතුරු ලාභාංශය පසුගියදා ප්රකාශයට පත් කළා.
ඒ අනුව ඔවුන්ගේ එක් කොටසක් සඳහා රුපියල් 5.35ක ලාභාංශයක් ප්රකාශයට පත් කර ඇති බවයි වාර්තා වන්නේ.
ඊට අමතරව හේලීස් සමුහයට අනුබද්ධ තවත් ලැයිස්තුගත සමාගම් කිහිපයක් ද පසුගියදා සිය ලාභාංශ සම්බන්ධයෙන් නිවේදනයක් නිකුත් කර තිබෙනවා.
මේ අනුව කැලණිවැලි වැවිලි සමාගම (තෙවන අතුරු ලාභාංශය) රු. 3.00
හේලීස් ෆයිබර් (තෙවන අතුරු ලාභාංශය) සත 50
තලවාකැලේ ටී එස්ටේට්ස් (තෙවන අතුරු ලාභාංශය) රු. 6.00
හේකාර්බ් (තෙවන අතුරු ලාභාංශය) රු. 1.00
හේලීස් ෆැබ්රික් (තෙවන අතුරු ලාභාංශය) සත 30
ඩිප්ඩ් ප්රඩක්ට්ස් (තෙවන අතුරු ලාභාංශය) සත 60
ධම්මික පෙරේරා මහතා යනු හේලීස් සමාගමේ ප්රමුඛතම කොටස්කරුවා ලෙසයි සැලකෙන්නේ.
මේ වන විට හේලීස් සමාගමේ ප්රකාශිත ප්රාග්ධනයෙන් 51.01%ක් හෙවත් කොටස් 382,596,970ක හිමිකාරීත්වය ඔහු සතුව පවතිනවා.
ඒ අනුව එක් කොටසක් සඳහා රු. 5.35 බැගින් රු. 2,046,893,789.50 ක් හෙවත් රු. බිලියන 2.04 ක, එනම් රු. කෝටි 204 ක ලාභාංශ ආදායමකට ධම්මික පෙරේරා මහතා හිමිකම් කියනු ලබනවා.