ශ්රී ලංකා නිදහස් පක්ෂයේ 73 වන සංවත්සරයට සමගාමීව පැවැත්වීමට නියමිතව තිබූ ගුවන්තොටුපළ පාලනාධිකාරියේ අත්තනෝමතික තීරණ වලට එරෙහිව සේවකයින් දැනුවත් කිරීමේ වැඩසටහනක් නවතා දැමීමට කටයුතු කිරීමට එරෙහිව ගුවන් තොටුපොළ නිදහස් සේවක සංගමයේ සභාපතිවරයා උපවාසයක් ආරම්භ කර තිබෙනවා.
එහි සභාපති වර්ණසිරි මුහන්දිරම් මහතා පවසන්නේ පසුගිය 03 වන දින පැවැත්වීමට නියමිතව තිබූ අදාළ දැනුවත් කිරීමේ වැඩසටහන නවතා දැමීමට ගුවන් තොටුපොළ පාලනාධිකාරිය පියවර ගෙන ඇති බවයි.
ඒ අනුව, ගුවන් තොටුපොළ නිදහස් සේවක සංගමයේ සභාපතිවරයා “ගුවන්තොටුපොළ ක්රියාත්මක ඊනියා නිලධාරී කුමන්ත්රණය වහා පරාජය කරනු “ යනුවෙන් විරෝධතා පුවරුවක් ප්රදර්ශනය කරමින් ඉදිකර තිබෙන වේදිකාවක් මත සිටිමින් විරෝධතාවයක් ආරම්භ කර තිබුණා.
2023 වසරේ ලබා දුන් ප්රසාද දීමනාව යළි සේවකයිනගෙන් අය කර ගැනීම, වෘත්තීය සමිති මර්ධනය, තමාට පක්ෂපාති වෘත්තිය සමිති සඳහා පමණක් වරප්රසාද ලබා දීමට කටයුතු කිරීම, නිල ඇඳුම් සඳහා කළ ඉල්ලීම් නොසලකා හැරීම ආදී ගැටලු කිහිපයක් සඳහා ගුවන් තොටුපොළ පාලනාධිකාරියෙන් විසඳුමක් ලැබී නොමැති බවත් ඒ සඳහා ජනාධිපතිවරයේගේ අවධානය යොමු වන තෙක් මෙම සත්යග්රහයක් ආරම්භ කළ බව මෙහිදී ගුවන් තොටුපොළ නිදහස් සේවක සංගමයේ වර්ණසිරි මුහන්දිරම් මහතා පවසා සිටියා.
