මුලතිව් ගුවන් හමුදා කඳවුරේ රඳවා සිටින මියන්මාරයේ සිට පැමිණි සරණාගතයින් යළි පිටුවහල් නොකරන ලෙස ඉල්ලා මුලතිව් දිස්ත්රික් ලේකම් කාර්යාලය ඉදිරිපිට අද (09) විරෝධතාවක් පැවැත්වුණා.
මෙම විරෝධතාවය පැවැත්වුණේ, සිවිල් ක්රියාකාරීන්, කාන්තා සංවිධාන නියෝජිතයන්, ජනමාධ්යවේදීන් සහ ධීවරයන් ඇතුළු පිරිසක් එක්වයි.
එහිදී විරෝධතාකරුවන් මෙම සරණාගතයින් හට මානුෂියව සලකන ලෙස රජයෙන් ඉල්ලමින් විරෝධතාවයේ නිරත වි තිබෙනවා.
ඔවුන් විසින් රජයට විවෘත සංදේශයක් ද ඉදිරිපත් කළ අතර ලංකාවද පාර්ශ්වයක් වන එක්සත් ජාතීන්ගේ එකඟතා අනුව කටයුතු කරන ලෙස එමගින් විරෝධතාකරුවන් ඉල්ලා සිටියා.
මෙම අවස්ථාවට සහභාගී වී සිටි මානව හිමිකම් ක්රියාධරයෙකු වන රුකී ප්රනාන්දු මහතා සඳහන් කළේ මෙම කණ්ඩායම අතර ළමයින් පවා සිටින බවයි.
මෙම පිරිස ගැන ලංකාව අන්තර්ජාතික එකඟතා උල්ලංඝනය කරමින් කටයුතු කළහොත් රට මහත් අපකීර්තියකය ලක්වීමට ඉඩ ඇති බව ඔහු වැඩිදුරටත් කියා සිටියා.
