මෙම වසරේ පළමු මාස හතර තුළ සුරාබදු දෙපාර්තමේන්තුව රුපියල් බිලියන 83 කට අධික වාර්තාගත ආදායමක් උපයාගෙන තිබෙනවා.
මුදල් අමාත්‍යාංශයේ ආදායම් උපයන ආයතන ලැයිස්තුවේ තුන්වන ස්ථානයේ පසුවන සුරාබදු දෙපාර්තමේන්තුවට 2025 වර්ෂය තුළ රුපියල් බිලියන 242 ක ඉලක්කයක් සපුරාලීමට නියම කර ඇති අතර, ප්‍රගති වාර්තාව පසුගිය සතියේ සුරාබදු කොමසාරිස් ජනරාල් යූ.එල්. උදය කුමාර පෙරේරා මහතා විසින් කැඳවා තිබුණා.
ඒ අනුව, මුදල් අමාත්‍යාංශය විසින් මෙම වසරේ ජනවාරි 1 වන දින සිට අප්‍රේල් 30 වන දින දක්වා කාල සීමාව සඳහා නියම කර තිබූ ආදායම් ඉලක්කය රුපියල් බිලියන 80.5 ක්.
නමුත් එය ඉක්මවා යමින් පළවැනි මාස හතර තුළ ඉහත කී රුපියල් බිලියන 83.6 ක ආදායමක් ලබාගෙන තිබෙනවා.
