අද (01) උදෑසන ගාල්ල උණවටුන දළවැල්ල ප්රදේශයේ ත්රිරෝද රථයක් දුම්රියේ ගැටීමෙන් රුසියානු ජාතික කාන්තාවක් මියගොස් තිබෙනවා.
මෙම අනතුරින් ගාල්ල වක්වැල්ල ප්රදේශයේ පදිංචි 62 හැවිරිදි වියේ පසුවූ රියදුරෙක් ද ජිවිතක්ෂයට පත්ව ඇති බවයි වාර්තා වන්නේ.
උණවටුන, දළවැල්ල අනාරක්ෂිත දුම්රිය මාර්ගයකදී බෙලිඅත්තේ සිට කොළඹ බලා ධාවනය වූ දුම්රිය ත්රිරෝද රථය ගැටීමෙන් අනතුර සිදුව තිබෙනවා.
අද (01) පෙරවරු 10.30ට පමණ මෙම අනතුරව සිදුව ඇති බවයි පොලීසිය සඳහන් කළේ.
දුම්රියේ ගැටීමත් සමඟ ත්රිරෝද රථය සම්පුර්ණයෙන්ම ගිනි ගෙන විනාශ වී තිබෙනවා.
අනතුර සම්බන්ධයෙන් හබරාදුව පොලීසිය වැඩිදුර විමර්ශන සිදු කරනු ලබනවා.