කළුතර දිස්ත්‍රික්කයේ පාසල් සිසු සිසුවියන් ඉලක්ක කරගනිමින් ලිංගික සෞඛ්‍ය අධ්‍යාපන වැඩසටහනක් ක්‍රියාත්මක කර තිබෙනවා.
කළුතර ප්‍රාදේශීය සෞඛ්‍ය සේවා අධ්‍යක්ෂ, විශේෂඥ වෛද්‍ය රසාංජලී හෙට්ටිආරච්චි මහත්මිය කියා සිටියේ වයස අවුරුදු 15-18 අතර පාසල් සිසුන් ඉලක්ක කර ගනිමින් මෙම වැඩසටහන ක්‍රියාත්මක කරන බවයි.
මේ සම්බන්ධයෙන් සාකච්ඡාවක් පසුගිය දිනවල පැවැත්වූ බවයි ඇය සඳහන් කළේ.
අදාළ වැඩසටහන් මාලාව ලබන ජුනි මස සිට ඇරඹීමට යෝජනා කරගෙන ඇති බව වාර්තා වනවා.
ඇය පෙන්වා දෙන්නේ මෙවැනි අධ්‍යාපනික වැඩසටහන් රට පුරා ක්‍රියාත්මක කිරීමෙන් දරුවන්ට ලිංගික සෞඛ්‍ය අධ්‍යාපන සම්බන්ධව පවතින අවම දැනුම වර්ධනයට සෞඛ්‍ය අංශ හා අධ්‍යාපන අංශ මැදිහත් විය යුතු බවයි.
ලංකාවේ සෞඛ්‍ය සේවාව සඳහා ඉදිරියේදී සහාය ලබාදිය යුතුද යන්න තීරණය කිරීම සඳහා ලෝක බැංකු විශේෂ නියෝජිත කණ්ඩායම සමග කළුතර දිස්ත්‍රික්කයේ පැවැති සාකච්ඡාවකින් අනතුරුව ඇය මේ බව සඳහන් කළා.
