ඇතැම් පාසල් සිසුන් ප්‍රමිතියෙන් තොර පැන්සල් භාවිත කිරීම නිසා බැරලෝහ ශරීර ගතවන වන අතර එමගින් පසු කාලීනව ඔවුන්ට පිලිකා සහ වකුගඩු රෝග ඇතිවන බවට විද්‍යාත්මකව තහවුරු කර ඇති බව ලංකා විදුහල්පතිවරුන්ගේ සංගමයේ ප්‍රධාන ලේකම් පියසිරි ප්‍රනාන්දු මහතා පවසනවා.
ඔහු පවසන්නේ, පැන්සල් තුඩ නිපදවීම සදහා භාවිත කරන මිනිරන් සිසුන්ගේ පංචස්කන්ධයට ස්පර්ශවිම මගින් මෙම අහිතකර තත්වය ඇතිවන බවට විද්‍යාඥයන්ගේ මතය වන බවයි.
යුරෝපා කමිටුව මගින් පැන්සල් සහ පාට පැන්සල් සදහා CN හෝ EN 71වැනි ප්‍රමිතීන් හදුන්වාදී තිබෙන බවද කොළඹදී අද පැවති ප්‍රවෘත්ති සාකච්චාවකදී ඔහු කියා සිටියා.
නව පාසල් වාරය සදහා දරුවන්ට පොත් ලැයිස්තු සැකසීමේදී ප්‍රමිතියකින් යුත් පාසල් උපකරණ භාවිතය පිළිබද අවධානය යොමුකරන්නැයි තමා ගුරුවරුන්ගෙන් සහ මාපියන්ගෙන් ඉල්ලා සිටින බවද පියසිරි ප්‍රනාන්දු මහතා පවසනවා.
දරුවන්ට භාවිතය සදහා නුසුසුදු පැන්සල් විශාල වශයෙන් වෙළදපොලේ තිබෙන අතර එවැනි පැන්සල් සහ පාට පැන්සල් භාවිතය තුළින් දරුවන්ගේ අධ්‍යාපනික කටයුතු සදහා සිදුවන පසුබෑම මෙන්ම සෞඛ්‍ය සදහා වන අහිතකර බලපෑම පිළිබදව දෙමාපියන් සහ ගුරුවරුන් සැලකිලිමත් විය යුතු බවද ප්‍රධාන ලේකම්වරයා වැඩිදුරටත් සඳහන් කළා.
