ජනාධිපතිවරණයට අදාළ කරුණු සාකච්ඡා කිරීම සඳහා පොලිස්පතිවරයා, රජයේ මුද්‍රණාලාධිපතිනිය සහ තැපැල්පතිවරයා කොමිෂන් සභාව වෙත කැඳවා ඇති බව එහි සභාපති ආර්.එම්.ඒ.එල්.රත්නායක මහතා පවසනවා.
ඒ අනුව රජයේ මුද්‍රණාලාධිපතිනිය සහ තැපැල්පතිවරයා අද (09) දිනයේ මැතිවරණ කොමිෂන් සභාව වෙත පැමිණීමට නියමිතව තිබෙනවා.
පොලිස්පතිවරයා ඉදිරි දින කිහිපය තුළ මැතිවරණ කොමිෂන් සභාව වෙත පැමිණීමට නියමිතයි.
ආණ්ඩුක්‍රම ව්‍යවස්ථාව අනුව ජනාධිපතිවරණය ප්‍රකාශයට පත් කිරීමේ බලය ලබන 17 වැනිදායින් පසුව ජාතික මැතිවරණ කොමිෂන් සභාවට හිමි වනු ඇති.
මේ අතර, 2024 ඡන්ද හිමි නාමලේඛණය සහතික කර ඇති අතර එය නිල වශයෙන් ප්‍රසිද්ධ කිරීම මේ සතිය අවසන් වීමට පෙර සිදු කරන බවද වාර්තා වෙනවා.
මැතිවරණ කොමිෂන් සභාව පවසනවා පවසන්නේ, එම කෙටුම්පත වෙබ් අඩවියට මේ වන විටත් ඇතුළත් කර ඇති බවයි.
