වයස අවුරුදු 16ට අඩු දරුවන් මෙහෙකාර සේවයේ යෙදවීම සම්බන්ධයෙන් විශේෂ විමර්ශනයක් ආරම්භ කර තිබෙන බව මහජන ආරක්ෂක අමාත්ය විශ්රාමික රියර් අද්මිරාල් සරත් වීරසේකර මහතා පවසනවා.
ඔහු සදහන් කරන්නේ ඒ සම්බන්ධයෙන් සියලු පොලිස් ස්ථාන වෙත අදාළ උපදෙස් ලබාදී ඇති බවයි.
මේ අතර මෙහෙකාර සේවය යෙදිය හැකි වයස අවුරුදු 18 දක්වා ඉහළ දැමීමට රජය තීරණය කර තිබෙනවා.
මීට අදාළ සංශෝධන කම්කරු දෙපාර්තමේන්තුව, ළමා ආරක්ෂණ අධිකාරිය ඇතුළු ආයතන එක්ව ඉදිරියේදී පාර්ලිමේන්තුවට ඉදිරිපත් කිරීමට නියමිත බවයි පැවසෙන්නේ.