මහජන චීන සමූහාණ්ඩුවේ රාජ්‍ය උපදේශිකා ෂෙන් යින්කින් ( Shen Yiqin ) මහත්මිය නිල සංචාරයක් සදහා ඊයේ (18) රාත්‍රීයේ දිවයිනට පැමිණ තිබෙනවා.
ඔවුන් පිළිගැනීම සදහා ශ්‍රී ලංකාවේ චීන තානාපතිවරයා සහ ක්‍රීඩා , තරුණ කටයුතු සහ වාරිමාර්ග අමාත්‍ය රොෂාන් රණසිංහ , විදේශ කටයුතු රාජ්‍ය අමාත්‍ය තාරක බාලසූරිය මහතා ඇතුළු ශ්‍රී ලංකා විදේශ කටයුතු අමාත්‍යාංශයේ නිලධාරීන් පිරිසක් ද කටුනායක ගුවන් තොටුපොළ විශේෂ අමුත්තන්ගේ මැදිරිය වෙත ගොස් තිබෙනවා.
ඇය සමග එරට තවත් උසස් නිලධාරීන් 18 දෙනෙකු ද පැමිණ තිබෙන අතර ඔවුන් 21 වනදා දක්වා මෙරටේ රැඳී සිටීමට නියමිත බවයි වාර්තා වන්නේ.
