සති අන්තයට විශේෂ ප්‍රවාහන සේවාවක්

දීර්ඝ සති අන්තයක් එළැඹෙන හෙට (14) සිට (15), (16) හා (17) දින වලදී ගම්බිම් බලා යන පිරිසට අද (13) සිටම විශේෂ ප්‍රවාහන සේවා ක්‍රියාත්මක කර තිබෙනවා.

ශ්‍රී ලංකා ගමනාගමන මණ්ඩලය පැවසුවේ, මේ වෙනුවෙන් අමතර බස් රථ 60 ක් පමණ අමතරව යොදා ඇති බවයි.

එම බස් රථ අද (13) වැනිදා සිට ධාවනයට යෙදවීමට පියවර ගෙන ඇති බවයි පැවසෙන්නේ.

මේ සමගාමීව දුම්රිය දෙපාර්තමේන්තුව පවසන්නේ, අද (13) රාත්‍රියේ සහ හෙට (14) උදෑසන බදුල්ල – කොළඹ විශේෂ දුම්රිය ධාවනයට යොදා ඇති බවයි.

මේ අතර ජාතික ගමනාගමන කොමිෂන් සභාව කාල සටහනකින් තොරව අමතර බස් රථ ධාවනය කිරීමට සැලසුම් කර තිබෙන බවයි පවසන්නේ.