ඔස්ට්‍රේලියාවේ විශ්වවිද්‍යාලයක සිදුකළ පිහි ඇනුමක් සහ පහරදීමක් හේතුවෙන් තුවාල ලැබූ තිදෙනෙකු රෝහල්ගතකර තිබෙනවා.
මෙම පිහි ඇනුම සිදුකර ඇත්තේ කැන්බරා නුවර ඔස්ට්‍රේලියානු ජාතික විශ්ව විද්‍යාලය තුළදී මෙලෙස පිහි ඇනුමට ලක්ව ඇත්තේ 20 හැවිරිදි වියේ පසුවන සිසුවියන් දෙදෙනක්.
එහිදී පහරකෑමට ලක්වූ 34 හැවිරිදි වියේ පසුවන අයකුද රෝහල් ගතකර ඇති බව විදෙස් මාධ්‍ය වාර්තා කරනවා.
එම වාර්තා වැඩිදුරටත් සඳහන් කරන්නේ සිද්ධිය සම්බන්ධයෙන් සැකපිට පුද්ගලයෙකු අත්අඩංගුවට ගෙන ඇති බවයි.
මේ අතර පිහි ඇනුමට ලක්ව රෝහල්ගතකර ඇති සිසුවියන් දෙදෙනාගෙන් එක් අයෙකුගේ තත්ත්වය බරපතළ බවද වැඩිදුරටත් වාර්තාවෙනවා.
සිද්ධිය සම්බන්ධයෙන් එරට බලධාරීන් විශේෂ විමර්ශනයක් ආරම්භ කර තිබෙනවා.
