ලංකා විදුලිබල මණ්ඩලයේ සේවකයින්ට කිසිඳු රටක සිදු නොකරන ආකාරයේ අමුතු ගෙවීමක් සිදු කරන බව මහජන උපයෝගීතා කොමිසමේ සභාපති ජනක රත්නායක පවසනවා.
ඒ, රූපවාහිනී සංවාදයකට එක්වෙමින්.
ප්‍රශ්නය –
“වැටුප් වලට ලොකු මුදලක් ඇත්තටම විදුලිබල මණ්ඩලයේ යනවාද ?”
මහජන උපයෝගීතා කොමිසමේ සභාපතිවරයා –
“වැටුප් වලට විතරක් නෙවෙයි. දැන් මේකෙ තියෙනවා – මට මේක ඊයෙ පෙරේදා මේ දැනගන්න ලැබුණෙ, සාමාන්‍යයෙන් විදුලිබල මණ්ඩලයේ සේවකයින්ට අර්ථසාධක අරමුදල්. EPF සහ ETF. ඒකනෙ සාමාන්‍ය ක්‍රමය. නමුත් ඔබ දන්නවාද මේකෙ ඉන්න අවුරුදු 20ක් වැඩකරන සියලුම සේවකයින්ට එයාලාගෙ පඩියෙන් තුනෙන් එකක්, එයාලා ජීවත්වෙන තාක් කල් විශ්‍රාම වැටුපක් ගෙවනවා කියලා ? කොයි රටේද EPF සහ ETF ගෙවලා මේ මහජනතාව දෙන සල්ලිවලින් පෙන්ෂන් එක්කුත් ගෙවන්නෙ ? මං හිතන්නෙ මේ මොඩ්ල් එක විශ්ව විද්‍යාලවලත් අධ්‍යනය කරන්න ඕනෙ, මොකද මේක අමුතුම මොඩ්ල් එකක්. මේක ලොකුම ලංකාවෙ තියෙන ආයතනය, මෙහෙම ගියොත් එහෙම මේක කඩාවැටිලා ලංකාවේ විදුලිය පැය 24ම නැතිවෙන තත්වයක් එයි ඉදිරියේදී”
කෙසේවෙතත්, නීත්‍යානුකූල ලෙස නිසි කළමනාකාරීත්වයකින් යුතු විශ්‍රාම වැටුප් ගෙවීමේ ක්‍රමවේදයක් පමණක් විදුලිබල මණ්ඩලය තුළ ක්‍රියාත්මක වන බව මේ පිළිබඳව අදහස් දක්වමින් විදුලිබල මණ්ඩලයේ සභාපති නලින්ද ඉලංගකෝන් පවසනවා.
