මෙවර ඉන්දීය ප්‍රිමියර් ලීග් තරගාවලියේ මූලික වටයේ 40 වන තරගය ලෙස ඊයේ (27) සන්රයිස් හයිද්‍රාබාද් හා රාජස්තාන් රෝයල්ස් කණ්ඩායම් අතර පැවති තරගය කඩුළු 07කින් ජයගැනීමට සන්රයිස් හයිද්‍රාබාද් කණ්ඩායම සමත් වුණා.
ඒ කලකට පසු එංගලන්ත ක්‍රීඩක ජේසන් රෝයි ක්‍රීඩාකළ විශිෂ්ඨ ඉනීම හේතුවෙන්.
එක්සත් අරාබි එමීර් රාජ්‍යයේ ඩුබායි ජාත්‍යාන්තර ක්‍රීඩාංගනයේ පැවති මෙම තරගයේ කාසිය වාසිය දිනාගනිමින් පළමුව පන්දුවට පහරදුන් රාජස්තාන් රෝයල්ස් කණ්ඩායමට නියමිත පන්දුවාර 20 අවසානයේ කඩුළු 05ක් දැවී ලබාගත හැකිවූයේ ලකුණු 164ක් පමණයි.
එහිදි රාජස්තාන් කණ්ඩායම වෙනුවෙන් සුපිරි ඉනිමක් ක්‍රීඩා කළ නායක සංජු සැම්සන් පන්දු 57ක් තුළදි ලකුණු 82ක් ලබාගැනීමට සමත් වුණේ හයේ පහර 3ක් සහ හතරේ පහර 7ක් සමගින්.
සන්රයිස් කණ්ඩායම වෙනුවෙන් පන්දු යැවීමේදි සිද්ධාර්ත් කවුල් සිය පන්දුවාර 04 තුළදි ලකුණු 36කට කඩුළු 02ක් ලබාගැනීමට සමත් වුණා.
පිළිතුරු ඉනිම ඇරඹු සන්රයිස් හයිද්‍රාබාද් කණ්ඩායම පන්දුවාර 18.3 ක් තුළදි කඩුළු 03ක් පමණක් දැවී ලකුණු 167 ක් ලබාගනිමින් ජයග්‍රාහී ඉලක්කය පසුකර ගියා.
එහිදි අගනා ඉනිමක් දියත් කළ එංගලන්ත ක්‍රීඩක ජේසන් රෝයි පන්දු 42ක් තුළ ලකුණු 60ක් ලබාගත්තේ තරගේ වීරයා සම්මානයටද හිමිකම් කියමින්.
මෙම ජයග්‍රාහණයත් සමගින් සන්රයිස් හයිද්‍රාබාද් කණ්ඩායම මෙම තරගවාරයේ සිය දෙවැනි ජයග්‍රාහණය සනිටුවන් කළද, තරග 40ක් අවසානයේ තමන් ක්‍රීඩා කළ තරග 10න් 2ක් පමණක් ලබාගනිමින් ඔහු රැදී සිටින් ප්‍රසාද ලකුණු සටහනේ අවසන් ස්ථානයේ.
කෙසේ වෙතත් මෙම පරාජයත් සමගින් රාජස්තාන් රෝයල්ස් කණ්ඩායමට පහසුවෙන් ඉදිරි වටයට පිවිසීමට තිබු අවස්ථාව අවධානමකට පෙරළි ඇති අතර ඔවුන් තමන් සහභාගි වන ඉදිරි තරග 04න් අවම වශයෙන් තරග 03ක් හෝ ජයගත යුතු තත්ත්වයක් උද්ගතව තිබෙනවා.
මේ වන විටත් සන්රයිස් හයිද්‍රාබාද් කණ්ඩායමට ඉදිරි වටයට පිවිසීමේ අවස්ථාව අහිමි වී ඇති අතර අනෙකුත් කණ්ඩායම් 07න් ප්‍රසාද ලකුණු සටහනේ මුල් ස්ථාන 04 දිනාගන්නා කණ්ඩායම් ඉදිරි වටයට පිවිසෙනු ඇතියි.
තරගාවලියේ මුලික වටයේ 41 වැනි තරගය අද මෙරට වේලාවෙන් අද පස්වරු 7.30ට කොල්කටා නයිට් රයිඩර්ස් කණ්ඩායම සහ දිල්ලි කැපිටල්ස්
