හිටපු ජනාධිපති ගෝඨාභය රාජපක්ෂ මහතා විසින් 2021 වසරේ දී රසායනික පොහොර තහනම් කිරීමට ගනු ලැබූ තීරණය හේතුවෙන් 2021 2022 වසරේ මහ කන්නයේ වී අස්වැන්න 50%කටත් වඩා වැඩි ප්‍රමාණයකින් අඩුවී ඇති බව හෙළිව තිබෙනවා.
හෙක්ටර් කොබ්බෑකඩුව කෘෂි පර්යේෂණ ආයතනය මඟින් සිදුකළ නවතම සමීක්ෂණ වාර්තාවකින් මේ බව අනාවරණය වී ඇති බවයි වාර්තා වන්නේ.
එම සමීක්ෂණ වාර්තාවෙන් රසායනික පොහොර තහනම් කිරීමට පෙර 2020 – 2021 වසර වල මහකන්නයේ වී අස්වැන්න සහ රසායනිය පොහොර තහනම් කිරීම මෙන්ම 2021 – 2022 වසරේ මහ කන්නයේ වී අස්වැන්න සම්බන්ධව සංසන්දනාත්මකව ගණනය කිරීමෙන් මෙම නිගමනවලට එළෑඹ තිබෙනවා.
මේ අනුව රසායනික පොහොර තහනම් කිරීමෙන් පසුව සම්පූර්ණයෙන්ම කාබනික ගොවිතැනට මාරු වීම සුදුසු බව සමීක්ෂණයේ දී යෝජනා කර තිබුණේ ගොවියන්ගෙන් 3% ක් පමණක් බවයි සඳහන් වන්නේ.
සම්පුර්ණයෙන්ම රසායනික පොහොර කෙරෙහි පමණක් 46%ක් විශ්වාසය තබා තිබෙනවා.
මෙම සමීක්ෂණය සඳහා මහවැලි කලාප ඇතුළු වී ගොවිතැන් කරන දිස්ත්‍රික්ක 11ක ගොවීන් 625 දෙනෙක් සම්බන්ධ කරගෙන ඇති බව සඳහන්.
