පසුගිය 13 වනදා පොල්දූව මංසන්ධියේ පැවති විරෝධතාව පාලනය කිරීම සඳහා රැගෙන එමින් තිබියදී පැහැර ගැනීමට ලක් වූ කඳුළු ගෑස් උණ්ඩ 50ක් සමඟ සැකකරුවෙක් පොලිසිය විසින් අත්අඩංගුවට ගෙන තිබෙනවා.
පොලීසිය සඳහන් කරන්නේ අදාල සැකකරු රාජගිරිය – ඔබේසේකරපුර – නානායක්කාර මාවත ප්රදේශයේ දී ඊයේ (17) අත්අඩංගුවට ගත බවයි.
31 හැවිරිදි සැකකරු පොළොන්නරුව ප්රදේශයේ පදිංචිකරුවෙක්.
වැලිකඩ පොලිසිය විසින් අත්අඩංගුවට ගැනුණු ඔහුගෙන් කළ ප්රශ්න කිරීම්වලදී අනාවරණය වී ඇත්තේ ඔහු තාවකාලිකව පදිංචිව සිටින බොරැල්ල – ගෝතමී පාරේ පිහිටි නිවසක පැහැර ගත් කදුළු ගෑස් උණ්ඩ සඟවා ඇති බවයි.
පසුව පොලිස් කණ්ඩායමක් එහි ගොස් අදාල කදුළු ගෑස් උණ්ඩ 50 සොයාගෙන තිබෙනවා.