කොළඹ නාගරික කලාපය ආවරණය වන පරිදි කණු මත ඉදිවන දුම්රිය මාර්ග පද්ධතියක් පෞද්ගලික සහ රාජ්ය හවුල් ව්යාපාරයක් ලෙස ආරම්භ කිරීමට නාගරික සංවර්ධන අමාත්යාංශය විසින් ඉදිරිපත් කළ කැබිනට් පත්රිකාවකට ඊයේ (29) අමාත්ය මණ්ඩල අනුමැතිය හිමිව තිබෙනවා.
එම දුම්රිය මාර්ග රක්ත, හරිත, නීල සහ දම් යනුවෙන් හඳුන්වා ඇති බව කැබිනට් තීරණ දැනුම් දීමේ ප්රවෘත්ති සාකච්ඡාවට එක්වෙමින් අමාත්ය උදය ගම්මන්පිල සඳහන් කළා.
රක්ත දුම්රිය මාර්ගය රාගම සිට පිටකොටුව හරහා කොට්ටාව දක්වා දිවෙන අතර එය කිලෝමීටර් 42ක දුරක් දක්වා විහිදෙන අතර හරිත දුම්රිය මාර්ගය මොරටුව සිට නාරාහේන්පිට හරහා කැලණිය දක්වා ධාවනය කිරීමට නියමිතයි.
එම දුම්රිය මාර්ගයේ සමස්ත දුර කිලෝමීටර් 28ක්.
කිලෝමීටර් 23කින් සමන්විත නීල දුම්රිය මාර්ගය කොට්ටාවෙන් ආරම්භ වී ඉසුරුපාය හරහා හුණුපිටිය දක්වා ධාවනය කෙරෙන අතර දම් දුම්රිය මාර්ගය කොළඹ වරාය නගරයෙන් ආරම්භ වී බොරැල්ල හරහා අතුරුගිරිය දක්වා ධාවනය කිරීමට නියමිතයි.
පසුගිය රජයෙන් ඉදිකිරීමට යෝජනා කර තිබූ සැහැල්ලු දුම්රිය පද්ධති ව්යාපෘතිය වර්තමාන රජය බලයට පත්වූ පසුව අවලංගු කර දැමූවා.
ඩොලර් බිලියන 1.5 ක ජපාන සහනදායි ණය ක්රමයකින් මෙම ව්යාපෘතිය නිමකිරීමට සැලසුම් කර තිබුණද එම ව්යාපෘතිය අගනුවර තදබදයට ලාභදායී විසඳුමක් නොවන බව පවසමින් අදාළ දුම්රිය ව්යාපෘතිය අහෝසි කරන ලෙස ජනාධිපතිවරයා මහාමාර්ග අමාත්යංශයට නියෝග කර තිබුණා.