ටෝකියෝ ඔලිම්පික් උළෙලේ රිද්මයානුකූල ජිම්නාස්ටික් – Artistic Gymnastic ඉසව්වට එක් වූ ශ්රී ලංකාවේ මිල්කා ගෙහානි සුවිශේෂී දක්ෂතාවක් ප්රකට කිරීමට සමත් වුණා.
ඒ තරග අංශ 4 (Valut, Uneven Bars, Balance Beams, Floor Exercise) අවසානයේ ලකුණු 45.798ක් ලබා ගනිමින්.
කෙසේ වෙතත් අවසන් වටයට සුදුසුකම් ලබන්නේ පළමු 24 දෙනා බැවින් මිල්කාගේ ඔලිම්පික් සිහිනය බිඳ වැටුණා.
ඇය Valut (පිනුම් අශ්වයා) තරග අංශයෙන් ලකුණු 13.366 ක්ද Uneven Bars (අසමසම පෝල) අංශයෙන් ලකුණු 10.866 ක්ද Balance Beams (සමබර දණ්ඩ) තරග අංශයෙන් ලකුණු 11.266 ක්ද Floor Exercise (භූමි ව්යායාම) තරග අංශයෙන් ලකුණු 10.300ක්ද ලබා ගත්තා.
ජිම්නාස්ටික් ඉසව්ව වෙනුවෙන් ඔලිම්පික් උළෙලක ශ්රී ලංකාව නියෝජනය කළ පළමු සහ එකම ක්රීඩකයා හෝ ක්රීඩිකාව ලෙසද මිල්කා ගෙහානි ඉතිහාසයට එක්වනවා.