වවුනියාව ප්‍රදේශයේ දී දුම්රියේ ගැටී කාන්තාවක් ජීවිතක්ෂයට පත්ව තිබෙනවා.
මෙම අනතුර සිදුව ඇත්තේ, ඊයේ (10) පුලියන්කුලම හා ඕමන්ත අතර ප්‍රදේශයේදීයි.
පොලිසිය පැවසුවේ, යාපනය සිට වවුනියාව දෙසට ධාවනය වූ දුම්රියේ අදාළ කාන්තාව ගැටී මෙම අනතුර සිදු ව ඇති බවයි.
කාන්තාව දුම්රිය මාර්ගයේ ගමන් කරමින් සිටියදී මෙම අනතුරට ලක්ව තිබෙනවා.
එම ස්ථානයේදීම කාන්තාව ජීවිතක්ෂයට පත්ව ඇති අතර, ඇයගේ අනන්‍යතාව මෙතෙක් හෙළිව නැහැ.
මරණකාරිය වයස අවුරුදු 35-45ත් අතර වයසේ පසුවන්නියක් වන අතර, ඕමන්ත පොලිසිය වැඩිදුර පරීක්ෂණ සිදු කරනු ලබනවා.
