සමගි ජන බලවේගයේ කුරුණෑගල දිස්ත්‍රික් මන්ත්‍රී නලින් බණ්ඩාර ජයමහ මහතා රජයට විරෝධය පළ කිරීම සඳහා මල් වඩමක් පාර්ලිමේන්තුවට ගෙන ඒම නිසා ඇති වූයේ කලබලකාරී තත්වයක්.
ජයමහ මහතා එම මල්වඩම පාර්ලිමේන්තු සභා ගර්භයට ගෙන යෑමට උත්සාහ දරා ඇති අතර විපක්ෂ නායක සජිත් ප්‍රේමදාස මහතා ඊට කැමැත්තක් නොදැක්වීම නිසා එය පසෙක දමා ගොස් ඇති බවයි වාර්තා වන්නේ.
මේ අතර, පාර්ලිමේන්තුව ලබන 19 වනදා සිට 22 වනදා දක්වා යළි රැස්වීමට තීරණය කර තිබෙනවා.
කථානායක මහින්ද යාපා අබේවර්ධන මහතාගේ ප්‍රධානත්වයෙන් ඊයේ (08) පැවති පාර්ලිමේන්තු කටයුතු පිළිබඳ කාරක සභාවේදී මෙම තීරණය ගැනුණා.
