31 C
Colombo
Sunday, June 26, 2022

ආණ්ඩුවෙන් හා සටකපට මාධ්‍ය ආයතනවලින් කහපාට සෙල්ලමක්

- Advertisement -

මේ වන විට සමාජ මාධ්‍ය තුළ රැල්ලක්ව පවතින ඕස්ට්‍රේලියාව වෙනුවෙන් කහපාට ඇඳුම පිළිබඳව News19 සොයාබැලීමක් කළා.

එහිදී අනාවරණය වූයේ මෙය ආණ්ඩුවේ සමාජ මාධ්‍ය ව්‍යාපෘතියක් ලෙස ක්‍රියාත්මක වන ප්‍රශ්න යටගැසීමේ කූඨ උපක්‍රමයක් බවයි.

මේ සඳහා ප්‍රධාන පෙළේ මාධ්‍ය ජාල කිහිපයක්ද යොදාගෙන ඇති අතර ඡන්දයක් අභිමුඛව මහජනතාවට කැළණි ගඟ දෙබෑකර පැමිණි නාගයන් පෙන්වූ මාධ්‍ය ආයතනයද, කොවිඩ් පළමු රැල්ලේදී පිරිස් රැස්කරමින් අවුරුදු උත්සව‍යක් පැවැත්වූ මාධ්‍ය ආයතනයද ඒ අතර වනවා.

ඔවුන්ගේ ව්‍යාපෘතිය වන්නේ ඕස්ට්‍රේලියාව හා ශ්‍රී ලංකාව අතර හෙට (24) පැවැත්වීමට නියමිත අවසාන එක්දින තරඟය නැරඹීම සඳහා පැමිණෙන ප්‍රේක්ෂකයන් කහ පැහැති ඇඳුමකින් සැරසී පැමිණ ඕස්ට්‍රේලියාවට කෘතගුණ සලකන බව පෙන්වීමයි.

මේ වන විට රට තුළ පවත්නා දැඩි ආර්ථික අර්බුදය තුළ සාමාන්‍ය මහජනතාවගෙන් ආණ්ඩුවට එරෙහිව ජාත්‍යන්තර තරඟයකදී එල්ලවිය හැකි විරෝධය මැඩ පැවැත්වීම සදහා මෙම කූඨ උපක්‍රමය ඔවුන් යොදාගෙන තිබෙනවා.

මේ වන විට තරඟ පැවැත්වෙන ක්‍රීඩාංගණ සඳහා කිසිදු විරෝධතා පුවරුවක් රැගෙනයාමට අවසර නොලැබෙන අතර විරෝධතා පුවරු හෝ විරෝධතා වැකි සහිත හිස බදින පටි සහිත පුද්ගලයින් ප්‍රේක්ෂකාගාරයෙන් ඉවත්කිරීමට බලධාරීන් කටයුතු කරනවා.

එවන් තත්ත්වයක් තුළ කෘතගුණ සැළකීමේ මෙම ව්‍යාපෘතිය පෙරදැරි කරගෙන ආණ්ඩු විරෝධය මැඩ පැවැත්වීමට උත්සහ කරමින් සිටින බවයි වාර්තා වන්නේ.

ඒ සඳහා “රටට ඩොලර් ගෙනා ඕස්ට්‍රේලියාව”‘, “අපි කෘතගුණ සලකන ජාතියක්”, “ක්‍රීඩාවට දේශපාලනය වැඩක් නැහැ” වැනි තක්කඩි වැකි උපයෝගී කරගනිමින් සිටින බව සමාජ මාධ්‍ය නිරීක්ෂණය කිරීමේදී දැකගත හැකි වනවා.

මේ වනවිටත් තරඟ 5 කින් යුත් එක්දින තරඟ මාලාව ශ්‍රී ලංකාව ජයගෙන ඇති බැවින් ක්‍රිකට් රසිකයින්ද සිටින්නේ දැඩි ප්‍රීති ප්‍රමෝදයෙනි.
එම හැඟීමද ප්‍රයෝජනයට ගනිමින් තමන් දිනයේ වැඩි හරියක් සිටින්නේ පෝලිම්වල දුක් විදිමින් යැයි ජනතාවට අමතක කරමින් මෙම කහ පැහැති නාඩගම ඉතා සූක්ෂමව හෙට දිනයේ රඟ දැක්වීමට නියමිතයි.

ජනතාවට කහ අන්දා ඕස්ට්‍රේලියාවට කෘතගුණ සලකන්නැයි කියන අතරේ ඊයේ පාර්ලිමේන්තුවේදී අග්‍රාමාත්‍ය රනිල් වික්‍රමසිංහ මහතා පැවසුවේ නැවත වරක් ඉන්ධන මිල අනිවාර්යයෙන් ඉහළ දැමිය යුතු බවයි.

එමෙන්ම අගුරුරුවාතොටදී තවත් පුද්ගලයෙක් ඉන්ධන පෝලිමේදී ජීවිතක්ෂයට පත්ව තිබෙනවා.

RECENT ARTICLES - SINHALA

විදුලිය විසන්ධි කරන කාලය ඉහළට

මේ වන විට පැය 2 යි විනාඩි 30 ක් ව පවත්නා විදුලි කප්පාදු කාලය පැය 3 ක් දක්වා ඉහළ දැමීමට මහජන උපයෝගීතා...

සියලු ඉන්ධන මිල ගණන් අහස උසට වැඩිකරයි

ලංකා ඛනිජ තෙල් නීතිගත සංස්ථාව සහ අයි.ඕ.සී සමාගම අද (26) අලුයම 02 සිට ක්‍රියාත්මක වන පරිදි සියලුම වර්ගවල ඉන්ධන මිල ඉහළ නංවා...

මාධ්‍ය ක්‍රියාකාරිකයන්ට පොලිසිය කරන බලපෑම් සම්බන්ධව මාධ්‍ය නීති සංසදයෙන් පොලිස්පතිට ලිපියක්

ශ්‍රී ලංකා පොලිසිය විසින් සමාජ සහ නව මාධ්‍ය ඔස්සේ භාෂණයේ සහ ප්‍රකාශනයේ නිදහස ක්‍රියාවට නංවමින් සිය කටයුතු පවත්වාගෙන යන මාධ්‍ය ක්‍රියාකාරිකයන් හේතු...

RECENT ARTICLES - ENGLISH

Requests for assistance to develop dairy industry

0
A bilateral meeting took place between Minister of Foreign Affairs Prof. G.L. Peiris and Minister for Foreign Affairs and Local Government of...

35 people detained for illegal migration attempt to Australia

0
Sri Lanka Navy apprehended a local multiday fishing trawler with 35 individuals, suspected to be on an illegal migration attempt to Australia...

Public sector to work in Private sector?

0
Sri Lanka has appointed a seven member committee to explore the possibility of granting 5 years leave to Government employees to work...