පැලවත්ත නිවසක තිබියදී සොයාගත් නිමි ඇදුම් ව්‍යාපාරිකගේ මරණයට සම්බන්ධ ප්‍රධාන සැකකරු සහ බිරිඳ කඩවත ප්‍රදේශයේ දී අත්අඩංගුවට ගෙන තිබෙනවා.
මෙලෙස අත්අඩංගුවට පත්ව ඇත්තේ 27 හැවිරිදි තරුණයෙක් සහ ඔහුගේ බිරිඳ 21 වන වියේ පසුවන දෙදෙනෙකුයි.
බත්තරමුල්ල පැලවත්ත ප්‍රදේශයේ ඉදිකෙරෙමින් පවතින නිවසක පිහිනුම් තටාකයේ තිබී එහි හිමිකරු වන අදාළ නිමි ඇඳුම් ව්‍යාපාරිකයාගේ මළ සිරුර සොයාගනු ලැබුවේ පසුගිය 2 වනදායි.
49 හැවිරිදි මෙම ව්‍යාපාරිකයා වැල්ලම්පිටිය ප්‍රදේශයේ පදිංචිකරුවෙක්.
අදාළ නිවසේ CCTV දර්ශන පරික්ෂා කිරීමේදී අදාළ ව්‍යාපාරිකයා තවත් පුද්ගලයෙකු සමඟ මෝටර් රථයෙන් පැමිණ නිවසට ඇතුළුවන ආකාරය සහ එක් පුද්ගලයෙක් පමණ නිවසෙන් පිටව යන ආකාරයත් නිරීක්ෂණය වී තිබුණා.
සිදුකළ මුලික විමර්ශනවලට අනුව ව්‍යාපාරිකයාට අයත් මෝටර් රථය පසුගිය 03 වනදා මීගමුව ප්‍රදේශයේ ගරාජයක් ඉදිරිපිට නවතා තිබී සොයා ගනු ලැබුවා.
